ਡਰੱਗ ਮਾਮਲੇ ਦੇ ਵਿੱਚ ਦਿੱਲੀ ਪੁਲਿਸ ਦੇ ਸਪੈਸ਼ਲ ਸੈੱਲ ਵੱਲੋਂ ਪੰਜਾਬ ਵਿੱਚ ਛਾਪੇਮਾਰੀ ਕੀਤੀ,10 ਕਰੋੜ ਦੀ ਕੋਕੀਨ ਬਰਾਮਦ

New Delhi,06 OCT,2024,(Azad Soch News):- ਦਿੱਲੀ ਵਿੱਚ 5 ਹਜ਼ਾਰ ਕਰੋੜ ਰੁਪਏ ਦੇ ਡਰੱਗ ਬਰਾਮਦਗੀ (Drug Recovery) ਮਾਮਲੇ ਦੇ ਲਿੰਕ ਪੰਜਾਬ ਨਾਲ ਜੁੜੇ ਹੋਣ ਤੋਂ ਬਾਅਦ ਦਿੱਲੀ ਪੁਲਿਸ (Delhi Police) ਦੇ ਸਪੈਸ਼ਲ ਸੈੱਲ (Special Cell) ਨੇ ਪੰਜਾਬ ਵਿੱਚ ਛਾਪੇਮਾਰੀ ਕੀਤੀ ਹੈ,ਛਾਪੇਮਾਰੀ ਵਿੱਚ ਪੁਲਿਸ ਨੇ 10 ਕਰੋੜ ਰੁਪਏ ਦੀ ਕੋਕੀਨ ਬਰਾਮਦ ਕੀਤੀ ਅਤੇ ਇੱਕ ਫਾਰਚੂਨਰ ਕਾਰ (Fortuner Car) ਵੀ ਜ਼ਬਤ ਕੀਤੀ,ਜਾਣਕਾਰੀ ਅਨੁਸਾਰ ਇਹ ਛਾਪੇਮਾਰੀ ਅੰਮ੍ਰਿਤਸਰ ਦੇ ਪਿੰਡ ਨੇਪਾਲ ਵਿੱਚ ਕੀਤੀ ਗਈ,ਦਿੱਲੀ ਪੁਲਿਸ (Delhi Police) ਨੇ ਸ਼ਹਿਰ 'ਚ ਹੁਣ ਤੱਕ ਨਸ਼ੇ ਦੀ ਸਭ ਤੋਂ ਵੱਡੀ ਖੇਪ ਜ਼ਬਤ ਕਰਕੇ ਚਾਰ ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ,ਮੁਲਜ਼ਮਾਂ ਕੋਲੋਂ 560 ਕਿਲੋ ਕੋਕੀਨ ਤੇ 40 ਕਿਲੋ ਹਾਈਡ੍ਰੋਪੋਨਿਕ ਮੈਰੂਆਨਾ (Hydroponic Marijuana) ਬਰਾਮਦ ਕੀਤੀ ਸੀ,ਇਸ ਨਸ਼ੀਲੇ ਪਦਾਰਥ (Drugs) ਦੀ ਖੇਪ ਦੀ ਅੰਦਾਜ਼ਨ ਕੀਮਤ ਲਗਭਗ 5,620 ਕਰੋੜ ਰੁਪਏ ਦੱਸੀ ਜਾ ਰਹੀ ਹੈ,ਸਪੈਸ਼ਲ ਸੈੱਲ (Special Cell) ਨੇ ਅੰਮ੍ਰਿਤਸਰ ਏਅਰਪੋਰਟ (Amritsar Airport) ਤੋਂ ਗ੍ਰਿਫਤਾਰ ਜਤਿੰਦਰ ਉਰਫ ਜੱਸੀ ਨਿਸ਼ਾਨ ਦੇਹੀ ਉੱਤੇ 10 ਕਰੋੜ ਰੁਪਏ ਦੀ ਕੋਕੀਨ (Cocaine) ਬਰਾਮਦ ਕੀਤੀ ਹੈ,ਦੇਸ਼ ਦੀ ਰਾਜਧਾਨੀ ਦਿੱਲੀ ਤੋਂ ਜ਼ਬਤ ਕੀਤੇ ਗਏ 5600 ਕਰੋੜ ਰੁਪਏ ਦੇ ਨਸ਼ੀਲੇ ਪਦਾਰਥ ਵੀ ਦੁਬਈ ਨਾਲ ਜੁੜੇ ਹੋਏ ਹਨ,ਦੁਬਈ ਵਿੱਚ ਮੌਜੂਦ ਭਾਰਤੀ ਨਾਗਰਿਕ ਵਰਿੰਦਰ ਬਸੋਆ ਦਾ ਨਾਮ ਇਸ ਅੰਤਰਰਾਸ਼ਟਰੀ ਸਿੰਡੀਕੇਟ ਦੇ ਮਾਸਟਰਮਾਈਂਡ (Mastermind) ਵਜੋਂ ਸਾਹਮਣੇ ਆਇਆ ਹੈ,ਦਿੱਲੀ ਪੁਲਿਸ (Delhi Police) ਨੇ ਵਰਿੰਦਰ ਬਸੋਆ,ਉਸ ਦੇ ਬੇਟੇ ਅਤੇ ਕੁਝ ਹੋਰਾਂ ਖ਼ਿਲਾਫ਼ ਲੁੱਕਆਊਟ ਸਰਕੂਲਰ (Lookout Circular) ਵੀ ਜਾਰੀ ਕੀਤਾ ਹੈ।