ਆਈਸੀਸੀ ਟੀ-20 ਵਿਸ਼ਵ ਕੱਪ 2024: ਸੁਪਰ-8 'ਚ ਭਾਰਤ ਦਾ ਸਾਹਮਣਾ ਕਰੇਗਾ ਬੰਗਲਾਦੇਸ਼

Antigua & Barbuda,17 June,2024,(Azad Soch News):- ਬੰਗਲਾਦੇਸ਼ ਆਈਸੀਸੀ ਟੀ-20 ਵਿਸ਼ਵ ਕੱਪ 2024 (ICC T20 World Cup 2024) ਦੇ ਸੁਪਰ-8 'ਚ ਜਗ੍ਹਾ ਬਣਾਉਣ ਵਾਲੀ ਆਖਰੀ ਟੀਮ ਬਣ ਗਈ ਹੈ,ਜਿਸ ਨੂੰ ਭਾਰਤ,ਆਸਟ੍ਰੇਲੀਆ ਅਤੇ ਅਫਗਾਨਿਸਤਾਨ ਤੋਂ ਬਾਅਦ ਗਰੁੱਪ ਏ 'ਚ ਜਗ੍ਹਾ ਮਿਲੀ ਹੈ,ਬੰਗਲਾਦੇਸ਼ ਨੇ ਸੋਮਵਾਰ ਨੂੰ ਹੋਏ ਮੈਚ 'ਚ ਨੇਪਾਲ ਨੂੰ 21 ਦੌੜਾਂ ਨਾਲ ਹਰਾ ਕੇ ਸੁਪਰ-8 'ਚ ਪ੍ਰਵੇਸ਼ ਕਰ ਲਿਆ ਹੈ,ਹੁਣ ਇਸ ਦਾ ਸਾਹਮਣਾ ਸੁਪਰ-8 (Super-8) ਵਿੱਚ ਭਾਰਤ ਨਾਲ ਹੋਵੇਗਾ,ਜਿੱਥੇ ਉਹ ਰੋਹਿਤ ਸ਼ਰਮਾ ਦੀ ਕਪਤਾਨੀ ਵਾਲੀ ਭਾਰਤੀ ਕ੍ਰਿਕਟ ਟੀਮ (Indian Cricket Team) ਨੂੰ ਸਖ਼ਤ ਚੁਣੌਤੀ ਦੇਣਾ ਚਾਹੇਗੀ,ਸੁਪਰ-8 'ਚ ਭਾਰਤ ਅਤੇ ਬੰਗਲਾਦੇਸ਼ ਦਾ ਮੈਚ 22 ਜੂਨ ਨੂੰ ਹੋਵੇਗਾ,ਇਹ ਭਾਰਤੀ ਟੀਮ ਦਾ ਸੁਪਰ-8 ਦਾ ਦੂਜਾ ਮੈਚ ਹੋਵੇਗਾ,ਇਹ ਮੈਚ ਭਾਰਤੀ ਸਮੇਂ ਅਨੁਸਾਰ ਰਾਤ 8 ਵਜੇ ਤੋਂ ਐਂਟੀਗੁਆ ਦੇ ਸਰ ਵਿਵਿਅਨ ਰਿਚਰਡਸ ਸਟੇਡੀਅਮ (Sir Vivian Richards Stadium) ਵਿੱਚ ਖੇਡਿਆ ਜਾਵੇਗਾ,ਇਸ ਮੈਚ 'ਚ ਰੋਹਿਤ ਸ਼ਰਮਾ ਦਾ ਸਾਹਮਣਾ ਨਜ਼ਮੁਲ ਹੁਸੈਨ ਸ਼ਾਂਤੋ ਨਾਲ ਹੋਵੇਗਾ,ਐਂਟੀਗੁਆ ਦੀ ਪਿੱਚ ਬੱਲੇਬਾਜ਼ਾਂ ਲਈ ਸ਼ਾਨਦਾਰ ਮੰਨੀ ਜਾਂਦੀ ਹੈ,ਅਜਿਹੇ 'ਚ ਇਸ ਪਿੱਚ 'ਤੇ ਭਾਰਤੀ ਬੱਲੇਬਾਜ਼ ਬੰਗਲਾਦੇਸ਼ੀ ਗੇਂਦਬਾਜ਼ਾਂ ਖਿਲਾਫ ਦੌੜਾਂ ਬਣਾਉਂਦੇ ਨਜ਼ਰ ਆਉਣਗੇ,ਇਸ ਦੇ ਨਾਲ ਹੀ ਇਸ ਪਿੱਚ 'ਤੇ ਸਪਿਨਰਾਂ ਨੂੰ ਵੀ ਮਦਦ ਮਿਲਦੀ ਹੈ,ਅਜਿਹੇ 'ਚ ਰਵਿੰਦਰ ਜਡੇਜਾ, ਯੁਜਵੇਂਦਰ ਚਾਹਲ ਅਤੇ ਕੁਲਦੀਪ ਯਾਦਵ ਬੰਗਲਾਦੇਸ਼ ਦੇ ਬੱਲੇਬਾਜ਼ਾਂ ਨੂੰ ਬੈਕਫੁੱਟ 'ਤੇ ਖੜ੍ਹਾ ਕਰ ਸਕਦੇ ਹਨ।