ਲਾਸ ਏਂਜਲਸ ਵਿਚ ਅੱਗ ਲਗਣ ਕਾਰਨ ਹੁਣ ਤਕ 16 ਲੱਖ ਕਰੋੜ ਰੁਪਏ ਤੋਂ ਵੱਧ ਦਾ ਨੁਕਸਾਨ ਹੋਣ ਦਾ ਅਨੁਮਾਨ

Los Angeles,12 JAN,2025,(Azad Soch News):- ਅੱਗ ਦੇ ਸੰਕਟ ਦੇ ਵਿਚਕਾਰ ਪ੍ਰਸ਼ਾਸਨ ਨੇ ਹੁਣ ਕੈਲੀਫ਼ੋਰਨੀਆ (California) ਦੇ ਸੈਂਟਾ ਮੋਨਿਕਾ ਸ਼ਹਿਰ (City of Santa Monica) ਵਿਚ ਲੁੱਟ-ਖਸੁੱਟ ਦੀਆਂ ਰਿਪੋਰਟਾਂ ਦੇ ਵਿਚਕਾਰ ਕਰਫਿਊ ਦਾ ਐਲਾਨ ਕਰ ਦਿਤਾ ਹੈ,20 ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ, ਲਾਸ ਏਂਜਲਸ (LA) ਵਿਚ ਅੱਗ ਲਗਣ ਕਾਰਨ ਹੁਣ ਤਕ 16 ਲੱਖ ਕਰੋੜ ਰੁਪਏ ਤੋਂ ਵੱਧ ਦਾ ਨੁਕਸਾਨ ਹੋਣ ਦਾ ਅਨੁਮਾਨ ਹੈ, ਇੱਥੇ ਅੱਗ 'ਤੇ ਕੁਝ ਹੱਦ ਤਕ ਕਾਬੂ ਪਾ ਲਿਆ ਗਿਆ ਹੈ, ਪਰ ਮਾਹਿਰਾਂ ਨੂੰ ਡਰ ਹੈ ਕਿ ਹਫ਼ਤੇ ਦੇ ਅੰਤ ਵਿਚ ਦੁਬਾਰਾ ਤੇਜ਼ ਹਵਾਵਾਂ ਚਲ ਸਕਦੀਆਂ ਹਨ,ਵੀਰਵਾਰ ਨੂੰ ਲਾਸ ਏਂਜਲਸ ਕਾਉਂਟੀ (Los Angeles County) ਦੇ ਲਗਭਗ 10 ਮਿਲੀਅਨ ਲੋਕਾਂ ਨੂੰ ਅੱਗ ਲਗਣ ਤੋਂ ਪਹਿਲਾਂ ਗ਼ਲਤ ਚਿਤਾਵਨੀਆਂ ਭੇਜੀਆਂ ਗਈਆਂ,ਇਹ ਰੁਝਾਨ ਸ਼ੁੱਕਰਵਾਰ ਨੂੰ ਵੀ ਜਾਰੀ ਰਿਹਾ,ਇਸ ਬਾਰੇ ਐਮਰਜੈਂਸੀ ਪ੍ਰਬੰਧਨ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਸੈੱਲਫੋਨ ਟਾਵਰਾਂ ਵਿਚ ਅੱਗ ਲਗਣ ਕਾਰਨ ਇਹ ਸਮੱਸਿਆ ਹੋ ਰਹੀ ਹੈ।