ਸਪੇਨ ਦੇ ਬਾਦਸ਼ਾਹ ਤੇ ਮਹਾਰਾਣੀ 'ਤੇ ਲੋਕਾਂ ਨੇ ਸੁੱਟਿਆ ਚਿੱਕੜ,ਪ੍ਰਧਾਨ ਮੰਤਰੀ ਪੇਡਰੋ ਸਾਂਚੇਜ਼ ਦੀ ਕਾਰ 'ਤੇ ਵੀ ਹਮਲਾ

Spain,05,NOV,2024,(Azad Soch News):- ਸਪੇਨ ਦੇ ਹੜ੍ਹ ਪ੍ਰਭਾਵਿਤ ਵੈਲੈਂਸੀਆ ਇਲਾਕੇ ਦਾ ਦੌਰਾ ਕਰਨ ਗਏ ਕਿੰਗ ਫਿਲਿਪ (King Philip) ਤੇ ਉਨ੍ਹਾਂ ਦੀ ਪਤਨੀ ਮਹਾਰਾਣੀ ਲੇਟਿਜੀਆ (Queen Letizia) 'ਤੇ ਲੋਕਾਂ ਨੇ ਚਿੱਕੜ ਸੁੱਟਿਆ,ਭੀੜ ਨੂੰ ਰੋਕਣ ਲਈ ਪੁਲਿਸ ਨੂੰ ਅੱਗੇ ਆਉਣਾ ਪਿਆ,ਹਮਲੇ 'ਚ ਤੈਨਾਤ ਦੋ ਸੁਰੱਖਿਆ ਗਾਰਡ ਜ਼ਖ਼ਮੀ ਹੋ ਗਏ,ਉਨ੍ਹਾਂ ਦੇ ਮੱਥੇ ਤੋਂ ਖੂਨ ਵਗਦਾ ਦੇਖਿਆ ਗਿਆ,ਇਸ ਤੋਂ ਬਾਅਦ ਸਪੇਨ ਦੇ ਰਾਜਾ ਅਤੇ ਪ੍ਰਧਾਨ ਮੰਤਰੀ ਨੂੰ ਆਪਣਾ ਦੌਰਾ ਅਧੂਰਾ ਛੱਡ ਕੇ ਰਾਜਧਾਨੀ ਪਰਤਣਾ ਪਿਆ,ਇਸ ਦੌਰਾਨ ਲੋਕਾਂ ਨੇ ਪੀਐਮ ਦੀ ਕਾਰ 'ਤੇ ਵੀ ਹਮਲਾ ਕਰ ਦਿੱਤਾ, ਲੋਕਾਂ ਨੇ ‘ਕਾਤਲ’ ਤੇ ‘ਸ਼ੇਮ ਆਨ ਯੂ’ ਦੇ ਨਾਅਰੇ ਵੀ ਲਾਏ,ਰਾਜਾ ਫਿਲਿਪ ਨਾਲ ਸਪੇਨ (Spain) ਦੇ ਪ੍ਰਧਾਨ ਮੰਤਰੀ ਪੇਡਰੋ ਸਾਂਚੇਜ਼ (Prime Minister Pedro Sanchez) ਵੀ ਮੌਜੂਦ ਸਨ, ਲੋਕ ਉਸ ਨੂੰ ਪੁੱਛ ਰਹੇ ਸਨ ਕਿ ਲੀਡਰਾਂ ਨੇ ਹੜ੍ਹ ਨੂੰ ਰੋਕਣ ਲਈ ਪਹਿਲਾਂ ਤੋਂ ਕੁਝ ਕਿਉਂ ਨਹੀਂ ਕੀਤਾ।