ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਡੋਨਾਲਡ ਟਰੰਪ 'ਤੇ ਹਮਲਾ ਕਰਨ ਵਾਲੇ ਦੀ ਹੋਈ ਪਛਾਣ

America,16 Sep,2024,(Azad Soch News):-  ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਡੋਨਾਲਡ ਟਰੰਪ (Former US President Donald Trump) ਨੂੰ ਨਿਸ਼ਾਨਾ ਬਣਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ,ਐਤਵਾਰ ਨੂੰ ਜਦੋਂ ਗੋਲਫ ਦੇ ਮੈਦਾਨ ਵਿਚੋਂ ਖੇਡ ਕੇ ਨਿਕਲ ਰਹੇ ਸਨ,ਤਾਂ ਉਸ ਵੇਲੇ ਉਨ੍ਹਾਂ ਨੂੰ ਨਿਸ਼ਾਨਾ ਬਣਾਉਣ ਦੀ ਕੋਸ਼ਿਸ਼ ਕੀਤੀ ਗਈ,ਐਫਬੀਆਈ (FBI) ਦਾ ਕਹਿਣਾ ਹੈ ਕਿ ਗੋਲੀਬਾਰੀ ਟਰੰਪ ਨੂੰ ਨਿਸ਼ਾਨਾ ਬਣਾ ਕੇ ਕੀਤੀ ਗਈ ਸੀ,ਪਰ ਸਖ਼ਤ ਸੁਰੱਖਿਆ ਕਰਕੇ ਹਮਲਾਵਰ ਨੂੰ ਉਥੋਂ ਭੱਜਣਾ ਪਿਆ,ਚੋਣਾਂ ਦੌਰਾਨ ਟਰੰਪ 'ਤੇ ਇਹ ਦੂਜਾ ਹਮਲਾ ਹੈ,ਐਫਬੀਆਈ (FBI) ਅਤੇ ਸੀਕ੍ਰੇਟ ਸਰਵਿਸਿਜ਼ (Secret Services) ਨੇ ਇਸ ਪੂਰੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ,ਹਮਲਾਵਰ ਨੇ ਹਮਲੇ ਤੋਂ ਪਹਿਲਾਂ ਆਪਣੇ ਸੋਸ਼ਲ ਮੀਡੀਆ (Social Media) 'ਤੇ ਪੋਸਟ ਕੀਤਾ ਸੀ,ਕਿ ਇਸ ਸਾਲ 'ਲੋਕਤੰਤਰ ਮਤਦਾਨ 'ਤੇ ਹੈ ਅਤੇ ਅਸੀਂ ਹਾਰ ਨਹੀਂ ਸਕਦੇ,ਇਹ ਗੱਲ ਉਪ ਰਾਸ਼ਟਰਪਤੀ ਕਮਲਾ ਹੈਰਿਸ (Vice President Kamala Harris) ਅਤੇ ਰਾਸ਼ਟਰਪਤੀ ਜੋਅ ਬਿਡੇਨ ਆਪਣੇ ਭਾਸ਼ਣਾਂ ਵਿੱਚ ਬੋਲਦੇ ਆਏ ਹਨ,ਸੁਰੱਖਿਆ ਏਜੰਸੀ ਨੇ ਹਮਲਾਵਰ ਦੀ ਪਛਾਣ 58 ਸਾਲਾ ਰਿਆਨ ਵੇਸਲੇ ਰਾਊਥ (Ryan Wesley Routh) ਵਜੋਂ ਕੀਤੀ ਹੈ,ਰਾਊਥ ਦਾ ਲੰਬਾ ਅਪਰਾਧਿਕ ਰਿਕਾਰਡ ਹੈ ਅਤੇ ਉਹ ਅਕਸਰ ਆਪਣੇ ਸੋਸ਼ਲ ਮੀਡੀਆ (Social Media) 'ਤੇ ਰਾਜਨੀਤੀ ਬਾਰੇ ਪੋਸਟ ਕਰਦਾ ਰਹਿੰਦਾ ਹੈ,ਅਮਰੀਕੀ ਰਾਸ਼ਟਰਪਤੀ ਜੋ ਬਿਡੇਨ (US President Joe Biden) ਨੇ ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਡੋਨਾਲਡ ਟਰੰਪ 'ਤੇ ਹੋਏ ਇਸ ਹਮਲੇ ਦੀ ਨਿੰਦਾ ਕੀਤੀ ਹੈ ਅਤੇ ਸੁਰੱਖਿਆ ਏਜੰਸੀਆਂ ਨੂੰ ਜਾਂਚ ਦੇ ਨਿਰਦੇਸ਼ ਦਿੱਤੇ ਹਨ,ਰਾਊਥ ਦੇ ਲਿੰਕਡਇਨ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਉਸ ਨੇ ਨਾਰਥ ਕੈਰੋਲੀਨਾ ਐਗਰੀਕਲਚਰਲ ਐਂਡ ਟੈਕਨੀਕਲ ਸਟੇਟ ਯੂਨੀਵਰਸਿਟੀ ਤੋਂ ਪੜ੍ਹਾਈ ਕੀਤੀ ਸੀ,ਲਿੰਕਡਇਨ (LinkedIn) 'ਤੇ ਰਾਊਥ ਨੇ ਆਪਣੇ ਆਪ ਨੂੰ 'ਮਸ਼ੀਨਰੀ ਮਾਈਂਡਿਡ' ('Machine Minded') ਅਤੇ ਨਵੀਆਂ ਕਾਢਾਂ ਅਤੇ ਵਿਚਾਰਾਂ ਦਾ ਸਮਰਥਕ ਦੱਸਿਆ ਹੈ,ਰਾਊਥ 2018 ਤੋਂ ਹਵਾਈ ਵਿੱਚ ਰਹਿ ਰਿਹਾ ਹੈ,ਅਤੇ ਲੰਬੇ ਸਮੇਂ ਤੋਂ ਡੈਮੋਕਰੇਟਿਕ ਪਾਰਟੀ (Democratic Party) ਦੇ ਉਮੀਦਵਾਰਾਂ ਦਾ ਸਮਰਥਕ ਰਿਹਾ ਹੈ।